தயக்கம்.....
நிச்சயம் நீ
என்
எதிர்பார்ப்புகளுக்கெல்லாம்
அப்பாற்பட்டவள்
என்று
எண்ணுவதால் தானோ
உன்னை
எதிர்கொள்ளவே
தயங்குகிறேன்!
வேதனை
பஞ்சத்தால் வரும் வேதனை கூட
பரிதவிகின்றது ..
உன் நெஞ்சத்தில் தஞ்சம் கொள்ள
தகுதி இல்லாத
என்னை பார்த்து...
நட்பின் பிரிவு
எல்லோரும் அடைவது
காதல் தோல்விதான்
முதல் முறையாக
நான் அடைந்தேன்
நட்பில் தோல்வி!
என்னையும் நீயாக உணர்வாய்
என்று நான் நம்பினேன்
நீ பலவற்றை உணர்ந்தவன்
என்பதை அறியாமல்…
எனது நட்பின் ஆழம் அதிகம்
என நான் நம்பினேன்
உனது நட்பின் அகலம்
என்னவென்று அறியாமல்…
நான் யாரிடமிருந்தும்
சிரிப்பை பெற்றதில்லை…
எப்பொழுதும் சிரித்துக்
கொண்டே இருப்பதால்
அதில் எனக்கு பஞ்சமில்லை.
முதல் முறையாக உன்னிடமிருந்து
அழுகையை பெற்றேன்
அது என்னிடம் இல்லாமல்
இருந்ததால்…
நல்லதோ…
கெட்டதோ…
பிரிவின் சோகம்
என்பது எனக்கு மட்டும்தானே!
உயிர் நண்பன்
நண்பனே!
நட்பிற்கு அர்த்தம் கேட்டால் நீ என்பேன்
அதன் விரிவாக்கம் கேட்டால் உன் பெயர் சொல்வேன்
நீ என் வாழ்வின் கடைசி வரை வருபவன் அல்ல
என் இறப்பின் தொடக்கம் வரை
என்னை உறவாய் நினைக்கும்
என் உயிரில் கலந்தவனே
என் வெற்றியின் முதல் பாராட்டுகள் உனதே
என் தோல்வியின் முதல் ஆறுதல் உனதே
தாயை போல அன்பை காட்டினாய்
தந்தையை போல பாசம் காட்டினாய்
மனைவியாய் போல நேசம் காட்டினாய்
வேறென்ன வேண்டும் எனக்கு
உன்னை போல நண்பன் கிடைத்த பிறகு
கல்லறை கவிதை !
கவிதைகள்
காதலால் வரலாம்
காதல்
போராட்டங்களில்
வலிகளை கவிதையாக
சொல்லலாம்
இதயங்களின்
போராட்டங்களில்
கண்ணீர் பிறக்கலாம்
இதயங்கள் சேர்ந்தால்
கண்ணீர்த்துளியும்
ஆனந்தகண்ணீர்
ஆகலாம் !
ஆனால்
இதயங்கள் உடைந்தால்
கண்ணீரும்
கவிதைகளும்
கல்லறை என்னும்
அசையா இதயத்தில்
தஞ்சம் அடையும் !
நேற்றைய நட்பு நம் மனதில் நினைவாய்;
இன்றைய நட்பு நம் இதயத்தில் துடிப்பாய்;
நாளைய நட்பு நம் மனதில் கணவாய்;
கடந்து விட்டன நாட்கள்-கல்லூரி தாயின் கருவில் பாதுகாப்பாய்;
கற்று கொண்டது பாடங்கள் மட்டும் அல்ல பாசங்களும் தான்;
புதிய பாதையில் பிரிய போகிறோம் நம் கனவை நிறைவேற்ற;
பாத சுவடுகள் அல்ல நம் நட்பு;பந்தங்களை
வளம் வருவது தான் நம் நட்பு
இதோ பிரியும் தருணம் இது இருப்பினும் என்றும் நண்பர்களாய் பிரியாமல் இருக்க முயற்சிப்போம்......
ஒவ்வொரு நாளும்....
ஒவ்வொரு நாளும்
விடிகிற பொழுது....ஆயிரம்
கேள்விகளுடன் தான்
பொழுது மலர்கிறது...!!
நாம் ஒருசில
பதில்களை சொல்லிவிட்டு
ஒவ்வொரு நாளும்
கேள்விகளை வளர்த்துக்கொண்டு
வாழ்கிறோம்...!!!
பொய்
இருட்டுக்குள் இருக்கும்
ஒரு தீக்குச்சியின் வெளிச்சம்
அது ...............
அனைத்தையும் மறைத்து
தன்னை அழகாய் காட்டும்
அது ...............
புத்தகப் புதையல்
அடக்கம், அடக்கம்!
கைக்குள் அடக்கம்,
இவுலகம் கைக்குள் அடக்கம்,
நிலையான அடக்கம் கொடுக்கும்,
இது ஏழு உலகங்களையும் கடக்கும்,
புதியதோர் இனம் படைக்கும்,
சினம் துறந்த ஏழாம் அறிவு கொடுக்கும்.
இதயம் கூடுதலாய் துடிக்கும்
பல காலம் கூடுதலாய் துடிக்கும்.
பொல்லாத வினையை அறவே தடுக்கும்.
எந்த யுகத்திற்கும் ஏற்ற வியாபாரம்
ஆம் நான் கண்ட நட்டமில்லா ஒரே வியாபாரம்.
அல்ல அல்ல பெருகுமாம்,
கொடுக்க கொடுக்க செழிகுமாம்.
எழுதுகோல் மை உமிழ
எழுத்தர் கற்பனை மழை பொழிய
கருத்துகள் கவிதையை நீந்த
காகித மரங்கள் செழித்து வளர
மனிதன் கண்ட அற்புத புதையல்
-புத்தகப் புதையல்
விடுமுறைக்காய் காத்திருகின்றேன்
ஜன்னலோர காற்றிடம்
தினமும் கேட்டுக்கொள்கின்றேன்
நீ நலமா என்று ...!
அந்திவேலை நெடுதூர நடையின் போது
உன்னுடன் நான் சண்டையிட்டு
வாசலில் வந்து தனிமையில் அழும்.,
உன்னையும் அழவைத்த நியாபகங்கள் ...!
எதிர் வீட்டு குழந்தைக்கு முத்தமிடும் போதும் ,
சோறூட்டும் போதும் ,
எதிரெதிராய் நின்று செல்ல சண்டையிடும் போதும்
உன் நினைவுகள் என்னை கொன்று தின்னும்...!
சுற்றித்திரியும் பறவைகளை பார்க்கும்போதெல்லாம்
நினைத்துக்கொள்கின்றேன் .,
இவைகளை போல் தான் நீயும் என் வாழ்விற்கென
அங்கே பறந்து திரிகின்றாய் ..!
தள்ளாமையிலும் தளராமல் ....!
இரவுநேரம் வந்துவிட்டால்
எட்டி ஓடி இரு நடையில்
கட்டிப்பிடிப்பேன் உன்னை .,
எனக்கு இருட்டென்றால் பயம் என்று .!
இன்று தலையணை பிடித்தபடி தனிமையில் ..!
மீண்டும் கிடைக்காதா என்று
தினம் தினம் ஏங்கித்தவிக்கின்றேன்
உன் மடி உறக்கத்திற்க்காய் ...!
ஊரே கூறும் நான் வாயாடிப்பிள்ளை என்று.,
நீயோ ...!
"எம்பிள்ளை எம்புட்டு அழகா பேசுது "
என்று பேசச்சொல்லி கேட்டுக்கொண்டிருப்பாய்..!
ஆனால்.,
இன்று உன்னுடன் அரைமணி நேர உரையாடல்
கூட அரிதாகிவிட்டது...!
பள்ளி சென்று வீடு திரும்புகையில்
"எம்புள்ள நடந்துள்ள வந்திருக்கு "
என்று நீ கால் தடவும் சுகத்தை இன்று
இழக்கிறேன்...!
உன் கொஞ்சல் மொழிகளும் ,
சில கெஞ்சல் மொழிகளுமின்றி
தனிமையில் நான்...!
என் முதல் கவிதை கிறுக்கலை
ரசித்தது நீ!
என் முதல் வாசகி நீ !
இன்று வெகு தொலைவில் நீ !
படித்துவிட்டேன் பட்டனம் போகின்றேன் பணிக்காய் என்று பகட்டாய் கிளம்பி வந்துவிட்டேன்
உன் பாசத்தை இழப்பதை அறியாமல்...!
பிரிவின் வலியினை
தினமும் உணர்கின்றேன் ...!
ஒவ்வொரு மாதமும் விடுமுறை நாட்களுக்காய் காத்திருகின்றேன் .,
அம்மா !!!! என்று உன்னை வந்து கட்டிக்கொள்வதற்காய்.....!!!!
பெண் சிசு !
நான் குப்பைதொட்டில்
பிறக்க கடவுள்வரம்
கொடுத்தாரா ?
இல்லை
என்னை பெற்றவளை
இதயம் இல்லாமல்
படைத்தாரா?
என்னை ஒரேமாத்திரையில்
புதைத்திருக்கலாமே !
பிறந்தவுடன் என்னை
கடவுளுக்கு பரிசாக
கொடுத்திருக்காலமே
நீ தான்
குப்பைஎன்றால்
என்னையும் பிறந்தவுடன்
குப்பைதொட்டிக்கு
இரையக்கிவிட்டாயே!
நான் தேடிய பூ
தினமும் உனக்கு தர
பூக்களை தேடினேன்
ஆழகிய பூ எது ?
அதிசய பூ எது ?
வாடாத பூ எது ?
வாசம் நிறைந்த பூ எது ?
யாரும் பார்த்திடாத பூ எது ?
அந்த இறைவனும் அறியாத பூ எது ?
தவம் செய்து பார்தேன்
பலன் கிடைத்தது இன்று
கண்களை மூடி
கால்கள் செல்லும்
பாதையில் நடந்தேன்
பூக்களை தேடி தேடி
அலைந்தேன்
பல ஆயிரம் மைல்கள்
கடந்து வந்தேன்
அதிசயம் என்ன - உன்
வீட்டு வாசல்
நான்
வந்தது என்ன
பிறகுதான் புரிந்து கொண்டேன்
நான் தேடிய பூ
உன் சிரிப்பு தானே
ஜாக்கிரதை ....!!!!
அழகாய் இருக்கும்
பெண்களை விட....
தான் அழகு என்ற நினைப்பில்
அலையும் பெண்களிடம்.... நண்பா
நீ ஜாக்கிரதையாக
இரு....!!!!
நீயே சொல்.......
உனக்கான கவிதைகளை
மட்டும் தான் நான்
அலங்கரிக்க ஆசைப் படுகிறேன்....
வருகின்ற கனவுகளை
எல்லாம் நான் கண்டதில்லை
நீ வரும் கனவைத் தவிர.....
நீ காட்டிய திசையில் கண்ணைக்
கட்டிக் கொண்டு போகலாம்
நீ இல்லாத திசையில் யாரை
கூட்டிக் கொண்டு போவது.....
எனக்கு தெரிய
வேண்டியதெல்லாம் ஒன்றுதான்....
நான் காதலித்தேன் என்பது
உண்மை!
'உன்னால் காதலிக்கப்பட்டேனா"?.......
காதல் தோல்வி
பிடிக்கவில்லை என்று சொல்லிருந்தால் கூட
பிரியமாக பிரிந்து இருப்பேன் ....
பிடித்தவன் வேறு ஒருவன் என்று சொன்னதும்
தானே பெண்ணே ///////
பித்து பிடித்தவனாக மாறி விட்டேன் .........
வாழ்க்கை
வாழ்க்கையை துரத்தி பிடிக்க நினைத்து
துயர படுகிறோம் ......வாழ்க்கை சொல்கிறது
நிதானமாக இரு ////
நியாயாதுடன் வெற்றியும் கிடக்கும் என்று .......
மவுன அஞ்சலி...
இறந்த பின்புதான்
மவுன அஞ்சலி செலுத்துவார்கள்.
நான் உயிரோடு இருக்கும் போதே
நீ எனக்கு முன்னால்,என்னோடு பேசாமல்
மவுன அஞ்சலி செலுத்துகிராயே...
நேரங்கள் தான் அதிகம் !
அவளை பிரிந்தபிறகு
நான் தூங்கிய இரவுகளைவிட
கண்கள் கலங்கிய இரவுகள் தான் அதிகம் !
தனிமையில் இருந்த நாட்களைவிட
தவித்திருந்த நாட்கள் தான் அதிகம் !
படித்திருந்த நிமிடங்களைவிட
துடித்திருந்த நிமிடங்கள் தான் அதிகம் !
பசியோடு இருந்த நேரங்களைவிட
பசியை மறந்திருந்த நேரங்கள்தான் அதிகம் !
நினைவோடு இருந்த நேரங்களை விட
அவள் நினைவோடு
இருந்த நேரங்கள் தான் அதிகம் !
புரிந்துக் கொள்ளுங்கள்
பூக்களை சுற்றி தேனீக்கள் சுற்றுவது
பூவுக்குள் தேன் இருக்கிறது என்று
ஈ களுக்கு தெரியும் அதனால் சுற்றுகிறது
ஆனால் ? அவளிடம்
காதல் என்ற வார்த்தைக்கே
அர்த்தம் தெரியாத பொழுது
ஏன் ? எதற்காக ?
அவள் பின்னாடி சுற்ற வேண்டும் !...
இது தான் காதலா?
காதலிக்கிறேன்!என்னை ஈரைந்து
மாதம் கருவில் சுமந்தவளை!
அதனால் தானோ அவளை
தண்டிக்கிறேன் சிறுவயது முதல்!
ஏனோ இதை அத்தனையும்
தாங்கிக் கொள்கிறாள்
இதற்காகவே பிறந்தவள் போல்!
புன்னகையை மட்டுமே ஏந்துகிறவள்
இன்று துயரத்தில் அமிழ்ந்துவிட்டாள் என்னால்!
இருந்தும் வாயெடுத்துப் பேசவில்லை
என் மனம் புன்னாகிவிடுமே என்று!
அந்த மௌனமே என்
நெஞ்சை கொன்றுவிட்டது
மறு ஜென்மம் எடுத்தவனைப்
போல் உணர்கிறேன்!
இம்முறை என் அன்னையை
நான் சுமக்கிறேன் என் நெஞ்சில்!
பொறுமை .........
"மழை போல்
நீ எப்போதாவது
தான் பேசுகிறாய் .....!
ஆனாலும் .....
"நிலம் போல் நான்
எப்போதும் காத்திருப்பேன்"
"உன் அன்பு மழைக்காக"
காதலியை களங்க படுத்தாதீர்கள் !!!!
அழகை கண்டு மயங்கி
கொண்டு திரியும்
ஆண் பெரு மக்களே
அவசியம் எண்ணி பாருங்கள்
அவர் அவர் தங்கையையும்
காதல் போதையில்
பெண் மலர்களை
கசங்கிவிட விட செய்யும்
கல் நெஞ்ச காரர்களே - கல்லெறி
உங்களுக்கும் காத்திருக்கிறது
உயிரையும் கொடுப்பேன் என்று
சிங்கிள் டீக்கு பிச்சை எடுக்கும்
அசிங்கமான காதல் செய்யும்
கபோதிகளே! கண்ணியமான - காதலை
களங்க படுத்தாதீர்கள் ..
தாய்க்கு பாரமாய் இருந்து
தாரத்தை உதாசீன படுத்தும்
தரங்கெட்ட மனிதர்களே
தங்களை தாக்க போகும்
தரணியின் பிணி அறியுமோ !!
இனியாவது மாறுங்கள்
மானுட பிறவியில்
மகத்துவ மான மங்கையரை
மதித்திட முன் வாருங்கள்
தங்கள் துணையுடன்
உறுதுணையாய் இருந்திடுங்கள் .
சந்தித்த வேளையில்...
சந்தித்த வேளையில்
பகிர்ந்துகொண்ட உணர்வுகளுக்கு
ஒரு வடிகாலாய் அமைந்தது
நமது எதிர்பாரா நட்பு!
காலம் காலமாய்
உணவூட்டி கல்வி புகட்டி
நல்வழி காண்பித்த பெற்றோர்களை
மறத்தல் மாண்பாகுமா?
பின்தொடர்தலும்
காத்திருத்தலும்
காதலின் அத்தியாயங்கள்
என்றிருப்பின் முடிவுரை எங்கே?
என்னுடன் இணைவதே
இந்த பொன்னுடல் பெற்ற பேரெனில் ...
சுற்றம் மறந்து பயணித்தல்
உடன்போக்காகிவிடும்!
இந்த இனிய நட்பு
ஒரு இலக்கியக் காதலின்
முகவுரையாகட்டும்....
நட்புடன் இனி பிரிவோம் சந்திப்போம்!
விதவை
அன்று ஆறுதல் சொன்னவர்கள் கூட
அழைப்பதில்லை அவரவர் இல்ல
சுபகாரீயங்களுக்கு
விஷேசங்களுக்கு விரோதியாய்
துலங்கும் மங்கலங்களுக்கு தூரமாய்
ஒரு மூலையில் ஒதுங்குகிறாள்
அந்த வெள்ளை மலர்!!
நச்சு தின்ற சிலர் எச்சி துப்பும்
ஒன்று இந்த விதவை கலாச்சாரம்
மிஞ்சிய சமுதாயமாவது மாறிவிடுங்கள்
பிஞ்சிலே பிழை படுபவரை பிழைக்க விடுங்கள்
காதும் காதும் வைத்தவாறு கொன்று விடுங்கள்
இல்லையேல் இந்த விதவை என்ற வார்த்தையை வேற்று கிரகத்திற்கு விற்றுவிடுங்கள்!!!
நியாயமா ?
பெண்ணே ...
ஆழ்கடலில் மூழ்கினேன்
முத்தெடுத்தேன் !
படிப்பில் மூழ்கினேன்
பட்டம் வென்றேன் !
சிந்தனையில் மூழ்கினேன்
சிகரத்தை அடைந்தேன் !
கற்பனையில் மூழ்கினேன்
கவிதைகள் எழுதினேன் !
காதலில் மூழ்கினேன்
கல்லறையை அடைந்தேன் !...
சந்தோசம் ...
என்னவளே
படிப்பறிவு இல்லாத - என்னை
பகுத்தாய்வு செய்ய வைத்தாய்
உன் காதலினால் !
பண்பாட்டிலும் மற்றவர் பாராட்டிலும்
சிறந்தவனாக செய்தாய்
உன் காதலினால் !
காதல் செய்த - உன்னை
கரம் பிடிக்க நினைத்தேன்
நம் காதலுடன் - ஆனால் ?
என் கண்ணில் நீர் சுரக்க
என் முன் வந்து நின்றாயே
உன் கணவருடன் !...
சந்தோசம் ...
வாழ்கை மேடை !
வாழ்கை என்பது ஒரு
குத்து சண்டை மேடை !
நீ கீழே விழுந்து தோற்ப்பது
என்பது முடிவல்ல !
நீ விழுந்தும் எழுந்து நிற்க
மறுப்பதே முடிவு !
உன் காதல் எனக்கு வேண்டாம்
நான் உன்னை நினைத்தால்
எனக்குள் இருக்கும்
என் நட்பை மறக்க சொல்கிறாய்...
உயிரா?
உடலா?
என்று நீ கேட்டால்...
என்னால் பதில் சொல்ல முடியாது...
நட்பா காதலா என்று கேட்டால்...
நான் நட்புதான் என்பேன்...
நானும் என் நட்பும் வேறல்ல...
என் நட்பை நான் வெறுத்தால் தான்
உன் காதல் எனக்கு என்றால்...
உன் காதல் எனக்கு வேண்டாம்...
காலமெல்லாம் நான்
உன்னோடு வாழ்வதை விட ...
என் நட்போடு நான் வாழும்
அந்த நாட்களே போதும்...
என்னை மறந்துவிடு...
GOOD BYE .....
தூங்கட்டும் துப்பாக்கிகள்
பிஞ்சுகள் மனதில் நஞ்சு..,
ஏடெடுத்து பயிலும் காலம் மாறி,
ஏங்குகின்றன எந்திரத்தை ஏந்திசெல்ல!
இளைஞர்களின் உள்ளத்தில்
இடிமுழக்கம்!
காதலுக்கு கூட
தூதாக துப்பாக்கியா!
இனியாவது தூங்கட்டும் துப்பாக்கிகள்!
வன்முறையின்
வாயிலிலே
வெறியோடு சிரிக்கின்றன
துப்பாக்கி பூக்கள்...!
கண்ணிமைக்கும் நேரத்தில்,,
எல்லையிலே
கன்னிவெடியோடு
கரம் கோர்க்கின்றன துப்பாக்கிகள்!
எதிரிகளை
அழிக்கவா?
பெருக்கவா?
வினாவிற்கு விடையாக
இனியாவது தூங்கட்டும் துப்பாக்கிகள்!
தீவிரவாதிகளை ஒழிக்க!
தீவிர வாதம்
செய்கிறார்கள்...
ஆயுதத்தை
ஆயுதத்தால்
அழிப்போமென்று!
அகிம்சையை போதித்த
அண்ணல் காந்தியின்
இதயத்தை துளைத்தது
கோட்சேவின் துப்பாக்கி!
அன்னை இந்திராவின்
உடலை சல்லடையாக்கிய
பாதுகாவலனின் துப்பாக்கி!
பெனசீர் புட்டோவையும்
விரட்டியதே...
அய்யகோ..!
இவ்வவலம்
தொடராமல்
தூங்கட்டும் துப்பாக்கிகள்!
பொய் நிழல்கள்
பொக்கிசமாகவே
சேமித்தேன் வார்த்தைகளின்
மிச்சமெல்லாம்
அமுது என்று எண்ணியே
குடித்தேன்
விழிகளெல்லாம் விஷம்
வடிவதுகூடத்தெரியாமல்
அன்மான உள்ளங்களை
படைத்து என் அழுக்காக்கினாய்
இறைவா,,,,
என் நாட்களில்
உன்னை தேடிவந்த
நிமிடங்கள்தான் அதிகம்
மனசு விட்டுச்சிதறிய
கனவுகளெல்லாம்
கொட்டு வைக்க வேண்டும்
தாயின் மடி மீது,,,,,,
இளமையின் விளிம்பிலே
உணர்வுகள் தொலைத்து
தடிக்கி விழுந்த
தடவைகள் கோடி,,,,,
விழிகளுக்கு திரையிட்டு
தூர நின்று நலம் விசாரித்த
அவர்களை,
உடைந்த மனசு இன்னுமே
உயிரோடு கோர்க்கிறது
வானம் கிழித்து
வாழ்கை பற்றி
வரைந்து முடித்தேன்
கசிந்து போன கனவுகள்
கதவை உடைத்துப்போனாது
தொப்புள் கொடியோடு தொடங்கிய
ஊமைக்கனவுகள்
கொஞ்சமும் சிரிக்காமலே
சிதறிப்போனது
அந்த நொடிகளெல்லாம்
நிஜங்களாகவே நெஞ்சை
துளைக்கும் நினைவுகளோடு
அவர்களும்
பொய் நிழல்களாகவே என்னோடு
வாழ்கிறார்கள்,,,,
காதல் உணர்வுகள் (Feelings of Love)
உடலோடு இருக்கும்போது
உயிர் பெரிது,
உயிரோடு இருக்கும்போது
உணர்வு புதிது,
உணர்கின்ற போது
உள்ளம் எளிது,
உள்ளத்தில் உன்னை நினைக்கும்போது
காதல் இனிது...
உயிர் பெரிது,
உயிரோடு இருக்கும்போது
உணர்வு புதிது,
உணர்கின்ற போது
உள்ளம் எளிது,
உள்ளத்தில் உன்னை நினைக்கும்போது
காதல் இனிது...
Subscribe to:
Posts (Atom)

